Keurajeuën Samudra Pasè (Pasai) Ngön Sumpah Gajah Mada - Acheh Network

Keurajeuën Samudra Pasè (Pasai) Ngön Sumpah Gajah Mada

Senin, 23 September 2024 - 20:39 WIB

facebook twitter whatsapp telegram line copy

URL berhasil dicopy

facebook icon twitter icon whatsapp icon telegram icon line icon copy

URL berhasil dicopy

Monumen Kerajaan Samudra Pasai/Foto: detikcom/

Monumen Kerajaan Samudra Pasai/Foto: detikcom/

AchehNetwork.com – Keurajeuën Samudra Pasè, kadang-kadang leubèh geuturi deungön Samudera, Pasè (Pasai,melayu), atau Samudera Darussalam, nakeuh keurajeuën Iseulam nyang neuduëkjih di peusisé blah röt barôh pulo Sumatra, leubèh kureuëng toë ngön kawasan Kuta Lhokseumawe.

Keurajeuën nyoë geupuga uléh Meurah Silu, nyang meulakap nan Malék al-Salèh, bak thôn 1267 dan keuneulheuëh Pasè jipo-kuwasa uléh Portugéh bak thôn 1521.

Raja phôn nan-geuh Sultan Malék as-Salèh nyang wafeuët bak thôn 696 H atawa 1297M, lheuëhnyan geulanjôt Pomeuréntah uléh Sultan Malik at-Thahir.

Keurajeuën Samudera-Pasai na cit meutuléh dalam kitab Rihlah ila l-Masyriq (Peungembaraan u Timu) keunarang Abu Abdullah ibn Batuthah (1304–1368), musafér Marukô nyang piyôh di Samudera bak thôn 1345.

Ibn Batuthah geucalitra bahwa Sultan Malik az-Zahir di nanggroë Samatrah geusambôtgeuh/geupeujamèë ngön peunôh gaséh-sayang dan ramahtamah.

Meunurôt Ibn Batuthah, ureuëng Samatrah (Samudera) geuanôt aliran mazhab Syafi`i.

Baca Juga :  Seunurat Paneuk Seujarah Asai Phôn Nan Bansa Acèh

Hana lom lê bukti dan haba teuntang keurajeuën nyoë untôk jeuët geungui seubagoë baih geukaji seujarah.

Era Malik Al Salèh Seugohlom Dinaseuti Useumaniyah di Turuki nyang teudöng bak thôn 699 H-1341 H atawa thôn 1385 M-1923 M, padahai jiôh blah röt timu dônya, di bumoë Asiya, ka teudöng saboh Keurajeuën Iseulam Samudera-Pasai nyang na lam wilayah sumatra (Aceh jinoë) nyang geupuga uléh Meurah Silu (Hareutoë meurah nakeuh Maharaja lam bahsa melayu) meugantoë nan keu Malik al-Saleh lheuëh geutamöng iseulam,gobnyan meuninggai bak thôn 1297.

Peugantoë lheuëh gobnyan hana jeulah, Dakpih meunan bak thôn 1345 Samudera-Pasai geuparéntah uléh Malék Al Zahir, cucoëgeuh Malik al-Salèh.

Peuliték Samudera Pasai meuteuntang ngön Peuliték Gajah Mada, Gajah Mada nyang geuangkèë seubagoë patih di Kahuripan (1319-1321) lé Jayanagara di Majapayét (Majapahit).

Baca Juga :  Seumangat Indonesia

Bak thôn 1331, jiék pangkat Gajah Mada jeuët keu mahapatih Majapayét nyang geuangkèë lé Ratu Tribhuwana Wijayatunggadewi.

Bak watèë geuangkèë Gajah Mada jeuët mahapatih Majapayét nyoë keuh jitubiët tutô nyang geukheun sumpah palapa ngön asoë dalam sumpah nyan;

“Lôn han akan nikmati palapa seugolom ban sigom Nusantara teuduëk dimiyub jaroë kerajeuën Majapayét”.

Teunyata deungön meuasai sumpah palapa nyan keuh Gajah Mada meurasa hana seunang bak watèë jideungö dan jikalön bahwa Samudera Pasai di sumatra makén keumang ngön maju.

Bak thôn 1350 Majapayét meuheut seurang Samudera Pasai, teutapi Majapayét han tom trôk u keurajeuën Samudra Pasai kareuna jihadang lé aseukar Seuriwijaya.

Trép-masa 27 thôn Majapayét deundam keu keurajeuën Seuriwijaya dan lheuëhnyan bak thôn 1377 giliran Seuriwijaya jiseurang, meusampoë abéhkeuh riwayat Seuriwijaya seubagoë nanggroë Budha nyang meupusat di Palèmbang nyan.***

Editor : ADM Acheh Network

Sumber : Berbagai sumber

Artikel Terkait

Kisah Molôd Nabi: Bahsa Acèh Jawoë
Syair Aceh: Budaya Layèë
Seumangat Indonesia
Syair Aceh, Oleh T.A. Sakti: Binatang Ubit Ka Dit Lam Dônya
Seujarah Keurajeuën Ulèëbalang Peusangan
Seunurat Paneuk Seujarah Asai Phôn Nan Bansa Acèh
Jirat Panyang Teungku Bén Panyang Pha Di Pirak Timu Ngön Lagènda Asai Usôi Aluë Bungkôh
Seujarah Teungku Dianjông Ngön Asai Phôn Acèh Meulakab Seuramoë Meukah

           
Konten berikut adalah iklan platform MGID, media kami tidak terkait dengan materi konten tersebut
Konten berikut adalah iklan platform Recreativ, media kami tidak terkait dengan materi konten tersebut

Artikel Terkait

Jumat, 25 Oktober 2024 - 10:07 WIB

Kisah Molôd Nabi: Bahsa Acèh Jawoë

Selasa, 22 Oktober 2024 - 09:23 WIB

Syair Aceh: Budaya Layèë

Senin, 21 Oktober 2024 - 08:58 WIB

Seumangat Indonesia

Sabtu, 19 Oktober 2024 - 09:10 WIB

Syair Aceh, Oleh T.A. Sakti: Binatang Ubit Ka Dit Lam Dônya

Selasa, 1 Oktober 2024 - 10:44 WIB

Seujarah Keurajeuën Ulèëbalang Peusangan

Senin, 23 September 2024 - 20:38 WIB

Seunurat Paneuk Seujarah Asai Phôn Nan Bansa Acèh

Senin, 23 September 2024 - 20:38 WIB

Jirat Panyang Teungku Bén Panyang Pha Di Pirak Timu Ngön Lagènda Asai Usôi Aluë Bungkôh

Senin, 23 September 2024 - 20:37 WIB

Seujarah Teungku Dianjông Ngön Asai Phôn Acèh Meulakab Seuramoë Meukah

Berita Terkini